Misterie van verwagting
Wat het jy vandag nodig? Watter wonderwerk verwag jy? Of het jy opgegee? Verwag jy nie meer dat iets goeds uit jou lewe sal kom nie? Verwagting is die geboorteplek vir wonderwerke. Die Bybel verklaar dat die verwagting van die regverdiges nie afgesny sal word nie. Dit maak nie saak hoe onrealisties die begeerte is nie. Die Bybel waarborg dat die verwagting van die regverdiges nie afgesny sal word nie. Ragab het getuienisse gehoor van die oorwinnings van die kinders van Israel en van die krag van hulle God. Sy het geweet haar veiligheid is net gewaarborg as sy haar by hulle aansluit (Josua 2:1-24, Josua 6:22-25, Hebreërs 11:31).
Verwagting groei uit die inligting wat jy het oor wat jy begeer om te besit. Ragab het inligting oor Israel gehad en sy wou hê dat haar familie en haarself veilig moes wees wanneer Israel teen haar nasie geveg het. Sy het inligting gehad en daarvolgens opgetree omdat begeerte alleen sonder optrede nie resultate lewer nie.
Jou vlak van optrede of toewyding teenoor jou begeerte toon die diepte van jou verwagting. Baie het inligting, maar nie baie is bereid om hul geloof uit te voer nie. Jakobus 2:14 (OAV), “Wat baat dit, my broeders, as iemand sê dat hy geloof het en nie die werke het nie? Kan geloof hom red?”
Geloof alleen sonder ooreenstemmende optrede is dood. Baie mense het verwagtinge, maar nie so baie tree op om te produseer wat hulle verwag nie. Tensy jy beweeg, sal jou situasie dieselfde bly. Wanneer 'n vrou verwagtend is, ontwikkel sy lus vir verskillende soorte kosse en haar eetlus groei. Wat sy dra, dryf haar eetlus. Wat verwag jy en gee jy toe aan die drange van daardie ding?
Dit is tyd om met passie daardie ding na te streef wat jy verwag om te ontvang. Blinde Bartimeus het langs die pad gesit en bedel toe hy hoor dat Jesus daar naby verbygaan, (let op dat hy reeds geweet het Jesus kon sy situasie verander) hy het nie die skare in ag geneem nie.
Baie miskyk hoe hard hy moes skree om Jesus se aandag te trek. Toe Hy hom hoor, het hy hom geroep en 'n baie vreemde vraag gevra: "Wat wil jy hê?" Waarom sou Jesus so 'n vraag vra as hy kon sien dat die man blind is. Jesus wou hê dat die man sy begeerte moet definieer.
Bartimeus het inligting gehad en hy het op daardie inligting gereageer om sy begeerte te definieer voordat hy sy wonderwerk kon ontvang (Mark 10:46-52). Aksie produseer, maar 'n mens se handeling moet gedefinieer (begelei) word. Toe Bartimeus sy begeerte definieer en sê hy wil sien, het hy dadelik begin sien. Die Bybel sê, dadelik het die man wat blind was, begin sien. Sy wonderwerk is gebore uit sy verwagting.
Ek weet nie wat jy vandag verwag nie, maar wat ek wel weet is wat die Bybel voorstel (verklaar, beveel) wanneer dit sê jou verwagting sal nie afgesny word nie. Van vandag af wil ek hê jy moet hierdie drie dinge oefen (1) Versamel soveel inligting as wat jy kan oor daardie ding wat jy begeer en ook weet niks is buite God se vermoëns nie. (2) Reageer op wat jy verlang; onthou geloof sonder werke is dood. (3) Ten slotte, definieer jou begeertes. Moenie aanvaar dat God weet waardeur jy gaan of wat jy wil hê nie, jy moet daardie begeertes definieer.
Hierdie drie stappe sal jou help om daardie verwagtinge wat jy het, te manifesteer.
God seën jou
